Sorry, this in Afrikaans, with recognition to News24. Those familiar with Henties Bay fishing will know about the legendary Ms de Jager.
Sarah de Jager
Die ‘visvangvrou van Hentiesbaai’ sterf
2011-01-22 22:27
By Celinda Groenewald
Me. Sarah de Jager (83), “die visvangvrou van Hentiesbaai”, is gister in die Medi-Clinic Durbanville oorlede.
Jan de Wet het destyds ’n liedjie oor Sarah de Jager geskryf wat deur Carike Keuzenkamp ’n gewilde treffer gemaak is.
De Jager het ’n jare lange stryd teen kanker gevoer en het uiteindelik aan breinvlieskanker gesterf.
Sy was bekend daarvoor dat sy goeie hengelplekke kon raaksien deur net na die water te kyk.
En Sarah se Gat is steeds een van die bekendste hengelplekke in die omgewing van Hentiesbaai, seker dié gewildste Namibiese hengelplek.
“Sy was eenvoudig ’n liefling onder almal,” het haar dogter me. Sarah Roos gister gesê.
De Jager is op 17 Januarie 1928 gebore en word oorleef deur vyf kinders, 13 kleinkinders en 13 agterkleinkinders.